லிங்காவின் தமிழக திரையரங்கு உரிமையை வாங்கிய வேந்தர் மூவிஸ் - 600 திரையரங்குகளில் வெளியிட திட்டம்
லிங்காவின் தமிழக திரையரங்கு விநியோக உரிமையை வேந்தர் மூவிஸ் வாங்கியுள்ளது. எத்தனை கோடிகள் தந்து வேந்தர் மூவிஸ் உரிமையை கைப்பற்றியது என்ற விவரம் வெளியிடப்படவில்லை.
லிங்கா டிசம்பர் 12 வெளியாகிறது. படத்தை வாங்கவும், திரையிடவும் நான் நீ என்று போட்டி போடுகின்றனர். ஆடியோ உரிமை 7 கோடிகளுக்கும் தொலைக்காட்சி ஒளிபரப்பு உரிமை 32 கோடிகளுக்கும் ஏற்கனவே விற்கப்பட்டுவிட்டது. அதேபோல் வெளிநாட்டு உரிமையும்.
தமிழக திரையரங்கு உரிமையை வேந்தர் மூவிஸ் கைப்பற்றியுள்ளது. 600 திரையரங்குகளில் படத்தை வெளியிட திட்டமிட்டிருப்பதாக அந்நிறுவனம் சார்பில் கூறப்பட்டுள்ளது. எந்திரன் 550 திரையரங்குகளில் வெளியானதே இதுவரை தமிழக சாதனையாக இருந்து வருகிறது.
