கத்தியின் வெளிநாட்டு திட்டம் ரத்து - மும்பையில் படமான செல்பிபுள்ள

கத்தி படத்தில் அனிருத் இசையில் விஜய் செல்பிபுள்ள என்று தொடங்கும் பாடலை பாடியுள்ளார். இந்தப் பாடல் மட்டுமே கத்தியில் படமாக்கப்பட வேண்டும்.

இதனை லண்டனில் படமாக்க முதலில் திட்டமிட்டிருந்தனர். பிறகு அமெரிக்கா அல்லது ஆஸ்திரேலியா என்று திட்டத்தை மாற்றினர். தீபாவளிக்கு படத்தை வெளியிடுவது என்று உறுதியான நிலையில் வெளிநாட்டுக்கு சென்றால் படப்பிடிப்பு தாமதமாகும் என மும்பையில் அரங்கு அமைத்து பாடல் காட்சியை எடுப்பது என முடிவானது.

அதன்படி மும்பை ஃபிலிம்சிட்டியில் விஜய், சமந்தா மற்றும் 100 நடனக்கலைஞர்களை வைத்து செல்பிபுள்ள பாடல் படமாக்கப்பட்டது. முருகதாஸின் துப்பாக்கி படத்தில் விஜய் பாடிய கூகுள் கூகுள் பாடலைப் போல செல்பிபுள்ளயும் ஹிட்டாகும் என பட யூனிட் நம்பிக்கை தெரிவித்துள்ளது.