கமல்ஹாசன் நடத்தும் பிக்பாஸ் நிகழ்ச்சி எப்போது தொடங்குகிறது தெரியுமா?

வடமாநிலங்களில் சின்னத்திரையில் புகழ் பெற்ற பிக்பாஸ் நிகழ்ச்சியை நடிகர் கமல்ஹாசன் தமிழில் நடத்துவது உறுதியாகியுள்ளது.

விஜய் தொலைக்காட்சியில் ஒளிபரப்பாகவுள்ள இந்த தொடரில், முக்கிய 15 பிரபலங்கள், ஒரே வீட்டில் 100 நாட்கள், தொலைத் தொடர்பு, வெளியுலக தொடர்பு எதுவுமின்றி ஒன்றாக சேர்ந்து வசிப்பார்கள். இந்த நிகழ்ச்சி மும்பையில் மிகவும் பிரபலமான ஒன்று. பாலிவுட் கதாநாயகிகள் மற்றும் சிறு வேடங்களில் நடிக்கும் நடிகைகள் என பலரும் இதில் கலந்து கொண்டுள்ளனர்.  தமிழில் இதை கமல்ஹாசன் நடத்துகிறார். 

இந்நிலையில், இதுபற்றி கருத்து தெரிவித்துள்ள கமல்ஹாசன் “ பிக்பாஸ் நிகழ்ச்சிகாக விஜய் டிவி என்னை தொடர்பு கொண்ட போது நான் சிரித்தேன். என் வாழ்க்கையில் தனிப்பட்ட விஷயம் முதல் அனைத்தும் மற்றவர்களால் கண்காணிக்கப்படுகிறது. தற்போது இந்த நிகழ்ச்சியில் மற்றவர்களை நான் கண்காணிக்கப் போகிறேன்” என அவர் கூறியுள்ளார்.

இந்த நிகழ்ச்சி விஜய் டிவியில் வருகிற ஜூன் மாதம் 18ம் தேதி தொடங்கவுள்ளது. திங்கள் முதல் வெள்ளி வரை இரவு 9 மணிக்கும், சனி, ஞாயிறு ஆகிய நாட்களில் இரவு 8.30 மணிக்கும் ஒளிபரப்பாகவுள்ளது.