24 ஆண்டுகளான விஜய்யிஸம்: ரசிகர்கள் கொண்டாட்டம்!!

‘நாளைய தீர்ப்பு’ படம் மூலம் டிசம்பர் 4, 1992-ல் தமிழ் சினிமா உலகில் அறிமுகமானார் விஜய். தற்போது விஜய் சினிமாவில் நுழைந்து 24 ஆண்டுகள் நிறைவடைந்துள்ளது.

ஆரம்பகாலத்தில் சறுக்கல்களை சந்தித்தாலும் 1996-ஆம் வருடம் விக்ரமன் இயக்கத்தில் வெளியான ‘பூவே உனக்காக’ படம் மூலம் தமிழ் சினிமா ரசிகர்கள் மத்தியில் தனக்கென ஒரு தனி இடத்தை பிடித்தார்.

லவ் டுடே, காதலுக்கு மரியாதை, பிரியமுடன், துள்ளாத மனமும் துள்ளும், குஷி, ப்ரென்ஸ், பிரியமானவளே, திருமலை, கில்லி, போக்கிரி, காவலன், துப்பாக்கி, கத்தி, தெறி என பல வெற்றிப்படங்களையும் கொடுத்துள்ள விஜய்க்கு தற்போது தமிழ் சினிமா மட்டுமல்லாது கேரளா சினிமாவிலும் ரசிகர்கள் பட்டாளம் அதிகமாகி உள்ளது.

தமிழ் சினிமாவின் பாக்ஸ் ஆபிஸ் மன்னன் என்று சொல்லப்படும் விஜய், இதுவரை மூன்று முறை 100 கோடி கிளப்பில் இணைந்துள்ளார். 

விஜய்-யின் 24 வருட திரைப்பயணத்தை கொண்டாடும் வகையில் இன்று சில திரையரங்குகளில் இவரது படங்கள் திரையிடப்படவுள்ளது. சில ஏரியாக்களில் அவரது ரசிகர்கள் பொதுமக்களுக்கு அன்னதானத்துக்கும் ஏற்பாடு செய்துள்ளனர். 

25 ஆம் ஆண்டில் அடியெடுத்து வைத்துள்ளதை கொண்டாடும் வகையில் அவரது ரசிகர்கள் டுவிட்டரில் #24YearsOfUnrivalledVIJAY, #24YearsOfVIJAYism, #24YearsOfIlayaThalapathyVIJAY, #24yearsofthalapathyism ஆகிய ஹேஷ்டேக்கை டுவிட்டரில் உருவாக்கி அதனை டிரெண்ட்டாக்கி வருகின்றனர்.