இயக்குனர்கள் சங்க தலைவர் விக்ரமன் மற்றும் நிர்வாகிகள் போட்டியின்றி தேர்வு

இயக்குனர்கள் சங்கத்துக்கு நிர்வாகிகளை தேர்ந்தெடுக்க இரண்டு வருடங்களுக்கு ஒருமுறை தேர்தல் நடைபெறும்.

2015-17 ஆண்டுக்கான தேர்தல் ஜுலை 5 நடைபெற உள்ளது. தற்போது சங்கத்தின் தலைவராக இருக்கும் விக்ரமன், செயலாளர் ஆர்.கே.செல்வமணி, பொருளாளர் வி.சேகர், துணைத்தலைவர்கள் பி.வாசு, கே.எஸ்.ரவிக்குமார் ஆகியோர் அதே பதவிகளுக்கு மீண்டும் போட்டியிடுகின்றனர். 

அவர்களை எதிர்த்து யாரும் வேட்புமனு தாக்கல் செய்யாததால், இப்போதிருக்கும் நிர்வாகிகளே மீண்டும் போட்டியின்றி தேர்வு செய்யப்பட்டதாக தேர்தல் அதிகாரியாக நியமிக்கப்பட்ட வழக்கறிஞர் செந்தில்நாதன் அறிவித்தார்.

இணைச் செயலாளர்கள் மற்றும் செயற்குழு உறுப்பினர்கள் பதவிக்கு மட்டும் ஜுலை 5 ஆம் தேதி தேர்தல் நடைபெறவிருக்கிறது.