ஐரோப்பிய நாட்டில் விக்ரமின் ‘துருவ நட்சத்திரம்’
விக்ரம் நடித்துவரும் ‘துருவ நட்சத்திரம்’, ஐரோப்பிய நாடுகளில் ஒன்றான ஸ்லோவேனியாவில் நடைபெற உள்ளது.
கெளதம் மேனன் இயக்கத்தில் விக்ரம் நடித்துவரும் படம் ‘துருவ நட்சத்திரம்’. இந்தப் படத்தின் படப்பிடிப்பு அமெரிக்கா மற்றும் குன்னூர் ஆகிய இடங்களில் நடைபெற்றுள்ளது. இந்நிலையில், ஐரோப்பிய நாடுகளில் ஒன்றான ஸ்லோவேனியாவில் அடுத்த ஷெட்யூல் தொடங்க இருக்கிறது. நாளை மறுநாள் (ஜூன் 21) முதல் தொடங்கும் படப்பிடிப்பு, தொடர்ந்து 3 வாரங்கள் நடைபெற இருக்கிறது.
விக்ரம் ஜோடியாக ரிது வர்மா மற்றும் ஐஸ்வர்யா ராஜேஷ் ஆகியோர் நடிக்கின்றனர். ஹாரிஸ் ஜெயராஜ் இந்தப் படத்துக்கு இசையமைக்கிறார். தற்போது விஜய் சந்தர் இயக்கும் ‘ஸ்கெட்ச்’ படத்தின் இறுதிக்கட்ட படப்பிடிப்பில் இருக்கிறார் விக்ரம். அது முடிந்தபிறகு, ‘துருவ நட்சத்திரம்’ டீமுடன் இணைந்து கொள்வார் என்கிறார்கள்.
