வெள்ளி, 29 மார்ச் 2024
  1. பொழுதுபோக்கு
  2. சினிமா
  3. சினிமா செய்தி
Written By Mahalakshmi
Last Modified: திங்கள், 27 ஜூலை 2015 (09:58 IST)

சைனா, ஜப்பான் மொழிகளில் வெளியாகும் பாகுபலி

இதுவரை பாகுபலி 447 கோடிகள் வசூல் செய்திருப்பதாக கூறுகிறார்கள். பாகுபலியின் இரண்டு பாகங்களும் சேர்த்து பட்ஜெட் 250 கோடிகள். முதல் பாகமே போட்ட முதலை வசூலித்திருக்கிறது.
இந்நிலையில் சைனா மற்றும் ஜப்பான் மொழிகளில் படத்தை டப் செய்து வெளியிட இருப்பதாக பாகுபலி யூனிட் கூறுகிறது.
 
சைனாவின் சினிமா மார்க்கெட் ஒரு அட்சய பாத்திரம். ஹாலிவுட் படங்களின் மிகப்பெரிய சந்தை யுஎஸ்ஸுக்கு அடுத்து சைனாதான். இந்தியப் படங்களும் அவ்வப்போது அங்கு வெளியாகி கரன்சியை அள்ளும். முக்கியமான அமீர்கானின் படங்கள்.
 
பாகுபலியின் முதலீடு அதன் பிரமாண்டம். அதற்கு மொழி தேவையில்லை. அதனால், சைனாவிலும், ஜப்பானிலும் இப்படம் வசூல் சாதனை படைக்கும் என நம்புகிறார்கள். விரைவில் இவ்விரு நாடுகளிலும் படத்தை வெளியிட முயற்சி நடந்து வருகிறது.