வெள்ளி, 29 மார்ச் 2024
  1. பொழுதுபோக்கு
  2. சினிமா
  3. சினிமா செய்தி
Written By Murugan
Last Modified: செவ்வாய், 27 அக்டோபர் 2015 (21:21 IST)

அஜீத் பற்றிய செய்திக்கு மறுப்பு தெரிவித்திருக்கும் கருணாஸ்

அஜீத்தின் வீட்டு வாசல் படியை மிதிக்கக்கூடாது என்று தான் கூறியதாக வந்துள்ள செய்தி மிகவும் தவறானது என்று கருணாஸ் மறுப்பு தெரிவித்துள்ளார்.


 
 
அதுபற்றி அவர் பத்திரிக்கையாளர்களுக்கு தெரிவித்துள்ள செய்தியில்,
 
அன்புள்ள பத்திரிகை மற்றும் ஊடக நண்பர்களுக்கு,
 
வணக்கம்.
 
என்னுடைய ட்விட்டர் கணக்கில் நடிகர் அஜித்தை பற்றி நான் அவதூறாக செய்திகளை கூறியதாக இன்று செய்தி வெளிவந்திருக்கிறது. இது முற்றிலும் தவறான செய்தியாகும். யாரோ விஷமிகள் என்னுடைய ட்விட்டர் கணக்கில் இப்படி ஒரு தவறான முறையற்ற செய்தியை வெளியிட்டுள்ளனர்.
 
ஆரம்ப காலகட்டம் முதல் இன்று வரை நான் அனைத்து நடிகர் நடிகைகளுடன் நட்பாக பழகி வந்துகொண்டிருக்கிறேன். யார் மீதும் எனக்கு தனிப்பட்ட முறையில் விரோதமோ காழ்ப்புணர்ச்சியோ கிடையாது. இந்நிலையில் இப்படி ஒரு செய்தி வந்ததை அறியும் போது மிகவும் அதிர்ச்சியாக இருக்கிறது.
 
இது பற்றி நாளை கமிஷ்னரிடம் முறையாக புகார் அளிக்கவுள்ளேன். என்னை பற்றிய தவறான செய்திகளை கேள்விபடும் போது அந்த செய்தியை பிரசுரிக்கும் முன் எனக்கு தெரியபடுத்துமாறு உங்களை அன்புடன் கேட்டு கொள்கிறேன்.
 
இவ்வாறு அவர் தெரிவித்துள்ளார்.