வியாழன், 28 மார்ச் 2024
  1. பொழுதுபோக்கு
  2. சினிமா
  3. சினிமா செய்தி
Written By Abimukatheesh
Last Updated : திங்கள், 9 அக்டோபர் 2017 (17:36 IST)

ரூ.1.2 கோடி செலவில் 2.0 ஆடியோ ரிலீஸ்

ஷங்கர் இயக்கத்தில் ரஜினி நடித்துள்ள 2.0 படத்தின் ஆடியோ ரிலீஸுக்கு ரூ1.2 கோடி செலவிட திட்டமிட்டுள்ளதாக கூறப்படுகிறது.


 

 
ஷங்கர் இயக்கத்தில் பிரமாண்டமாக உருவான எந்திரன் படத்தின் வெற்றியைத் தொடர்ந்து அதன் இரண்டாம் பாகம் 2.0 அதிக பட்ஜெட்டில் மிக பிரமாண்டமாக உருவாகி வருகிறது. இதை தமிழ்நாடு மட்டுமல்லாமல் இந்தியா முழுவதும் உள்ள ரசிகர்கள் எதிர்பார்த்து கொண்டிருக்கின்றனர்.
 
படப்பிடிப்பு முடிவடைந்த நிலையில் இறுதிகட்ட வேலைகள் நடைப்பெற்று கொண்டிருப்பதால் 2.0 படத்தை 2018ஆம் ஆண்டு எதிர்பார்க்கலாம். 2.0 படத்தின் ஆடியோ ரிலீஸ் நிகழ்ச்சியை பிரமாண்டமாக நடந்த லைகா நிறுவனம் முன்கூட்டியே முடிவு செய்திருந்தது. அதன் அறிவிப்பும் வெளியிட்டப்பட்டது. 
 
இந்நிலையில் 2.0 படத்தின் ஆடியோ ரிலீஸ் நிகழ்ச்சிக்கு செலவிடும் தொகையை கேட்டு தமிழ் சினிமா துறை அதிர்ச்சியில் உள்ளது. வரும் 27ஆம் தேதி துபாயில் 2.0 படத்தின் ஆடியோ ரிலீஸ் செய்யப்பட்டுள்ளது. இதற்கு ரூ.1.2 கோடி செலவிட முடிவு செய்துள்ளனர்.