நான் இனியும் குழந்தை நட்சத்திரம் அல்ல - ஹன்சிகா மோத்வானி
சமீபத்தில் தமிழுக்கு கிடைத்த கொழு கொழு நடிகை ஹன்சிகா மோத்வானி. அவர் நடிக்க வேண்டியதில்லை, வந்து நின்றாலே திரை நிறைந்துவிடும் என்று என்றென்றும் காதல், வேலாயுதம் படங்களின் மூலம் சொல்ல வைத்தவர். ஹன்சிகாவின் ஒரு கல் ஒரு கண்ணாடி விரைவில் வெளியாகவிருக்கிறது. இதுதவிர தெலுங்கு, இந்தி என்று பிஸியாக நடித்துக் கொண்டிருப்பவரின் மினி பேட்டி.குழந்தை நட்சத்திரமாக நடிக்கும் போதே விருதுகள் வாங்க ஆரம்பித்தீர்கள் அல்லவா... அது எப்படி?என்னுடைய அம்மா டாக்டர். ஸ்கூல் முடிந்த பிறகு அம்மாவின் மருத்துவமனையில்தான் இருப்பேன். அப்போது அங்கு வருகிறவர்களை மிமிக்ரி செய்வேன். அப்படிதான் நான் நடிக்க ஆரம்பித்தேன் என்று சொல்லலாம். ஒன்பது வயதில் டிவி சீரியல் ஒன்றில் நடிக்கும் வாய்ப்பு கிடைத்தது.ஹிருத்திக் ரோஷனுடனும் நடித்திருக்கிறீர்கள் அல்லவா?ஹிருத்திக், ப்ரீத்தி ஜிந்தா நடித்த கொய் மில் கயா படத்தில் குழந்தை நட்சத்திரமாக நடிக்கிற வாய்ப்பு கிடைத்தது. அது போல சுமார் 7 படங்களில் குழந்தை நட்சத்திரமாக நடித்தேன். 14 விருதுகளையும் வாங்கியிருக்கேன்.தமிழ், தெலுங்கில் நடித்தாலும் இந்திக்கு அதிக முக்கியத்துவம் கொடுப்பது ஏன்?அப்படியெல்லாம் இல்லை. நான் தமிழ், தெலுங்கில்தான் இப்போது அதிக படங்கள் செய்கிறேன். இந்தியில் இப்போது ஒரேயொரு படத்தில்தான் நடித்து வருகிறேன். மற்றபடி தமிழ், தெலுங்குக்குதான் முன்னுரிமை.ஹீரோயின் என்றால் மரத்தை சுற்றி டூயட் பாடுவதுடன் ஒதுங்கிக் கொள்ள வேண்டும் என்ற அளவில்தான் இப்போதும் இன்டஸ்ட்ரி இயங்கிக் கொண்டிருக்கிறது. இந்தச் சூழலில் உங்கள் படங்கள் திருப்திகரமாக இருக்கின்றனவா?கண்டிப்பாக. நான் கதை கேட்டு, கேரக்டர் பிடித்துதான் ஒவ்வொரு படத்திலும் நடிக்கிறேன். மாப்பிள்ளை படத்தில் எனக்கு வித்தியாசமான வேடம்தான். அதேபோல் எங்கேயும் காதல். முழுக் கதையும் என் மீதே ட்ராவல் செய்யும். வேலாயுதத்தில் பப்ளியான கேரக்டர். அதில் என்னை ரசிக்காதவர்களே இல்லை. இந்தப் படங்களிலிருந்து முற்றிலும் மாறுபட்ட ஹன்சிகாவை நீங்கள் ஒரு கல் ஒரு கண்ணாடி படத்தில் பார்க்கலாம்.
வேட்டை மன்னன் எப்படி போகிறது?சிம்பு டேலண்டான ஆர்ட்டிஸ்ட். அவருடன் நடிப்பது உண்மையிலேயே சந்தோஷமாக இருக்கிறது. படத்தில் தீக்சா சேத்தும் இருக்கிறாரே?ஆமாம், தீக்சா சேத்தும் நடிக்கிறார். வேட்டை மன்னனைப் பொறுத்தவரை என்னுடைய கேரக்டருக்குதான் முக்கியத்துவம். அதனால்தான் அதில் நடிக்க ஒப்புக் கொண்டேன். அதனால் வேறு யார் நடிப்பதையும் பற்றி நான் கவலைப்படவில்லை.ஆனால் தீக்சா சேத் நான்தான் நாயகி என்று கூறி வருகிறாரே..?எனக்குத் தெரியாது. ஆனால் வேட்டை மன்னனைப் பொறுத்தவரை என்னுடைய கேரக்டர்தான் கதைக்கு திருப்புமுனையாக வருகிறது. அப்படியானால் யார் ஹீரோயின் என்று நீங்களே யூகித்துக் கொள்ளுங்கள்.கிளாமர் வேடங்களில் மட்டுமே நடிக்கிறீர்களே... ?அதனால் என்ன? எனக்கு இப்போது 21 வயதுதான் ஆகிறது. இப்போதுதானே கிளாமராக நடிக்க முடியும்? ஆனாலும் நான் வெறும் கிளாமர் ரோல் என்றால் ஒத்துக் கொள்வதில்லை. கிளாமருடன் நடிக்கவும் ஸ்கோப் இருக்க வேண்டும்.குழந்தை நட்சத்திரமாக நடித்ததற்கும் இப்போதைக்கும் என்ன வித்தியாசத்தை உணர்கிறீர்கள்?ஆக்சுவலி குழந்தை நட்சத்திரம் என்று என்னை சொல்வதை நான் விரும்பவில்லை. அதைத் தாண்டி நான் வந்துவிட்டேன். நான் இப்போது ஒரு முழுமையான நடிகை. எனக்கான படங்களை நானே தேர்வு செய்கிறேன். என்னுடைய இப்போதைய கவலையெல்லாம் நாளையைப் பற்றிதானே தவிர நேற்றை பற்றியதல்ல.
