வெள்ளி, 29 மார்ச் 2024
  1. பொழுதுபோக்கு
  2. சினிமா
  3. நட்சத்திர பேட்டி
Written By bala
Last Updated : வெள்ளி, 2 செப்டம்பர் 2016 (16:45 IST)

குடிக்கிற ஸீன்ல உண்மையாவே குடிச்சுட்டுதான் நடிப்பேன் - விஜய் ஆண்டனி

இசையமைப்பாளராக அறிமுகமாகி அந்தத் துறையிலேயே தனி இடம் பிடித்தவர் விஜய் ஆண்டனி. ஹீரோவாக மாறியபின் நடிப்பிலும் முத்திரை பதித்து வருகிறார். முன்னணி ஹீரோக்களுக்கு செம டஃப் ஃபைட் கொடுக்கும் விஜய் ஆண்டனியிடம் நம்பியார் படத்துக்கு இசையமைத்த அனுபவத்தைக் கேட்டோம்.


 

நம்பியார் படத்துக்காக சந்தானத்தை பாட வைத்த அனுபவம்..?

ஸ்ரீகாந்த் சாரோட நட்புக்காகத் தான் அவர் பாடவே வந்தார். அவரை பாட வெச்சதே செம ஜாலி அனுபவம். சொன்னா நம்பமாட்டீங்க… முக்கால் மணி
நேரத்துலயே ரெக்கார்டிங் முடிஞ்சுடுச்சு. வித்தியாசமா இருக்கட்டுமேன்னு அந்த குத்துப்பாட்டை ஸ்லோவா கம்போஸ் பண்ணினோம்.

அப்ப டான்ஸும் ஸ்லோவாத்தான் இருக்குமா?

ஆக்சுவலி அந்த பாட்டுல ஒரு பகுதியில நானும் ஆடியிருக்கேன். அந்த பாட்டே குடிச்சுட்டு பாடற ஆடற பாட்டு. கல்யாண் மாஸ்டர் தான் டான்ஸ். குடிச்சுட்டு டான்ஸ் ஆடினா எப்படி இருக்குமோ அதை அப்படியே கொண்டு வந்துருக்கார். எனக்கு குடிச்சுட்டு நடிச்ச எக்ஸ்பிரியன்ஸ் இருக்கு. சலீம் படத்துல குடிக்கிற ஸீன்ல உண்மையாவே குடிச்சேன். அதே மாதிரி இந்தியா பாகிஸ்தான்லயும் குடிக்கிற ஸீன்ல குடிச்சுட்டு தான் நடிச்சேன். படங்கள்ல அதை வழக்கமா வெச்சிருக்கேன்.

உங்க படங்கள்ல தீம் ஸாங் ரொம்ப பிரமாதமா இருக்குமே?

இதுலயும் இருக்கு. ஆனா யாருக்குங்கறது தான் ஸ்பெஷல். நமக்குள்ளயே எம்ஜிஆரும் இருக்கார். நம்பியாரும் இருக்கார். எம்ஜிஆர் நம்பியாரை ஜெயிச்சுட்டா நம்ம வாழ்க்கை நல்லாயிருக்கும். இந்த படத்தோட லைனே இதுதான்…இந்த லைன் எனக்கு ரொம்ப பிடிச்சுருந்தது. நம்பியாருக்கு இதுல ஒரு தீம்ஸாங் இருக்கு.

உங்க ஃபேவரிட் மெலடிகள் இதுலயும் உண்டா?

நிச்சயமா… எனக்கு எப்பவுமே மெலடி மேல விருப்பம் உண்டு. மெலடி ஸ்ட்ராங்கா இருந்தாத்தான் மத்த குத்துப்பாட்டு கூட ஹிட் ஆகும். படத்துல மூணு மெலடி ஸாங்ஸ் இருக்கு.  இதுதவிர ஓடிட்டே இருக்கற மாதிரி ஒரு ஸாங் இருக்கும். அது ஒரு பரீட்சார்த்த முயற்சியாக இருக்கும்.

பின்னணி இசை எப்படி இருக்கும்?

கதையை உணர்த்துறதுதானே பின்னணி இசை. ஒரு போர்ஷனை ஹைலைட் பண்ணிக் காட்டுறதே பின்னணி இசை தான். இதுலயும் கதையை ஹைலைட் பண்றா மாதிரி பின்னணி இசை அமைஞ்சிருக்கும்.

இந்த படத்தோட ஸ்பெஷல் என்ன?

கதைதான். நாம எல்லோருமே நல்லவங்க மாதிரி வெளில நடிச்சுட்டு இருக்கோம். ஆனா எல்லோருமே ஒரு வகையில நம்பியார் தான். அப்படி நமக்குள்ளயே இருக்கற நம்பியாருக்கு ஒரு ஒரிஜினல் உருவம் கொடுத்து நம்ம கூடவே ட்ராவல் ஆனா எப்படி இருக்கும்… இந்த கற்பனை தான் நம்பியார் படம். இந்த ஐடியாவே எனக்கு ரொம்ப பிடிச்சுருந்துச்சு.

ஸ்ரீகாந்த்..?

அவருக்கு இது ரொம்ப முக்கியமான படம். நல்லா பண்ணியிருந்தார். அவரோட நிறைய படங்கள் பார்த்துருக்கேன். நானும் நடிக்கிறதால எனக்கு அந்த கஷ்டம் புரியும். என்னோட நடிப்பெல்லாம் எடிட்டிங், டப்பிங்ல தான் சரி செய்வோம். ஆனா ஸ்ரீகாந்த்லாம் அந்த வேலையே வைக்கலைனு நான் பின்னணி அமைக்கும்போதே தெரிஞ்சது.