வெள்ளி, 29 மார்ச் 2024
  1. விளையாட்டு
  2. விளையாட்டு
  3. செய்திகள்
Written By
Last Modified: வெள்ளி, 28 செப்டம்பர் 2018 (21:17 IST)

மோசமான பேட்டிங்: தோனியை விளாசிய கவாஸ்கர்!

முன்னாள் இந்திய அணி கேப்டன் தோனி டெஸ்ட் போட்டிகளில் ஓய்வை அறிவித்து தற்போது ஒருநாள் மற்றும் டி20 போட்டிகளில் விளையாடி வருகிறார். 
 
மேட்ச்வின்னர், கேம் சேஞ்சர் என ரசிகர்களால் அழைக்கபப்டும் தோனி சமீப காலத்தில் சிறப்பாக செயல்படாமல் இருப்பது அவர்கள் ரசிகர்கள் மத்தியில் அதிருப்தியை ஏற்படுத்தியுள்ளது. 
 
இன்னும் உலகக் கோப்பை கிரிக்கெட் போட்டிக்கு 6 மாதங்களே உள்ள நிலையில், தோனி பேட்டிங் பார்மையும், ரன் குவிக்கும் திறமையையும் மேம்படுத்தும் கட்டாயத்தில் உள்ளார்.
 
இது குறித்து சுனில் கவாஸ்கர் பேசியுள்ளார், அவர் கூறியுள்ளது பின்வருமாறு, தோனியின் பேட்டிங் ஃபார்ம் கடந்த சில மாதங்களாக மிகவும் மோசமாக உள்லது. ஒரு நாள் போட்டிகளில் அவரின் ரன் குவிக்கும் வேகம், திறமை மழுங்கி வருகிறது. 
 
இங்கிலாந்து தொடரிலும், ஆசியக் கோப்பையிலும் ரசிகர்கள் அவர் வழக்கத்துக்கு மாறாக விளையாடினார். ஐபிஎல் தொடரில் சிறப்பாக பேட் செய்து ரசிகர்களின் கண்களுக்கு விருந்தளித்த தோனி, ஒருநாள் போட்டிகளில் ஜொலிக்க முடியாதது ஏன். 
 
உள்நாட்டுப் போட்டிகளில் தோனி அதிகமாக விளையாடுவதில் கவனம் செலுத்த வேண்டும். எதிர்வரும் உலகக்கோப்பையை மனதில் வைத்து தோனி தனது பேட்டிங்கில் கவனத்தை செலுத்த வேண்டும் என தெரிவித்துள்ளார்.