வியாழன், 28 மார்ச் 2024
  1. விளையாட்டு
  2. விளையாட்டு
  3. செய்திகள்
Written By Bharathi
Last Modified: புதன், 30 செப்டம்பர் 2015 (10:45 IST)

தரவரிசையில் தொடர்ந்து முதலிடத்தில் வகிக்கிறார் செரினா வில்லியம்ஸ்

உலக டென்னிஸ் தரவரிசையில் அமெரிக்காவின் செரினா வில்லியம்ஸ் தொடர்ந்து முதல்  இடத்தில் நீடிக்கிறார்.


 

 
சர்வதேச டென்னிஸ் சம்மேளனமானது  மகளிர் ஒற்றையர் தரவரிசைப் பட்டியலை வெளியிட்டுள்ளது. இதில் செரீனா வில்லியம்ஸ் 11,500 புள்ளிகளுடன் தொடர்ந்து  முதலிடத்தில் உள்ளார். 
செரினாவுக்கு அடுத்தபடியாக 6,780 புள்ளிகளுடன் ரோமானிய வீராங்கனை சிமோனா ஹாலேப் 2வது இடத்தையும், 5,691 புள்ளிகளுடன் ரஷிய வீராங்கனை மரியா ஷரபோவா மூன்றாவது இடத்தையும் பிடித்துள்ளார்.

போலந்து வீராங்கனை ரட்வன்ஸ்கா 6 இடங்கள் முன்னேறி 3,190 புள்ளிகளுடன் ஏழாவது இடத்தில் உள்ளார். சமீபத்தில் அமெரிக்க ஓபன் பட்டத்தை வென்ற இத்தாலியின் ஃபிளாவியா பென்னட்டா ஒரு இடம் முன்னேறி ஆறாவது இடத்திலும், செர்பிய வீராங்கனை ஆனா இவானோவிக் மூன்று இடங்கள் முன்னேறி 9வது இடத்திலும் உள்ளனர்.