கோஹ்லி என்னை யோசிக்க வைத்துவிட்டார்: ஆண்டர்சன்

Anderson
Last Updated: சனி, 11 ஆகஸ்ட் 2018 (15:55 IST)
மற்றவர்களை போல கோஹ்லியை ஏன் அவுட்டாக முடியவில்லை என்று யோசிக்க வைத்துள்ளார் என்று இங்கிலாந்து வேகப்பந்து வீச்சாளர் ஆண்டர்சன் கூறியுள்ளார்.

 
இந்திய அணி இங்கிலாந்தில் சுற்றுப்பயணம் மேற்கொண்டு விளையாடி வருகிறது. தற்போது 5 போட்டிகள் கொண்ட டெஸ்ட் தொடரில் விளையாடுகிறது. நேற்று முன்தினம் தொடங்க இருந்த போட்டி மழை குறுக்கிட்டதால் தாமதமாக நேற்று தொடங்கியது.
 
முதல் பேட்டிங் செய்த இந்திய அணி 107 ரன்களுக்கு ஆல் அவுட்டானது. இங்கிலாந்து அணியின் மூத்த வேகப்பந்து வீச்சாளர் ஆண்டர்சன் 5 விக்கெட்டுகள் வீழ்த்தி அசத்தினார்.
 
இந்நிலையில் நேற்றயை போட்டி முடிந்த பின் அவர் கூறியதாவது:-
 
மற்றவர்களை போல கோஹ்லியை ஏன் அவுட்டாக முடியவில்லை என்று யோசிக்க வைத்துள்ளார். கோஹ்லி தற்போது உலகின் நம்பர் 1 பேட்ஸ்மேனாக உள்ளார். அவருக்கு எதிராக பந்து வீசுவது, அவரைக் கட்டுப்படுத்துவது என்பது சுவாரசியமாகவே உள்ளது. இதனால் எனக்கு மகிழ்ச்சி தான்.
 
இருந்தாலும் இந்த தொடரின் அடுத்த இன்னிங்ஸில் கோஹ்லியை அவுட்டாக முயற்சிப்பேன் என்று கூறியுள்ளார்.

webdunia

இதில் மேலும் படிக்கவும் :