வெள்ளி, 29 மார்ச் 2024
  1. விளையாட்டு
  2. விளையாட்டு
  3. செய்திகள்
Written By
Last Modified: செவ்வாய், 7 மே 2019 (15:55 IST)

உலகக்கோப்பை 2019 – கெய்லுக்கு புதுப்பதவி !

உலகக்கோப்பை போட்டிகள் இந்த மாதம் 30 ஆம் தேதி தொடங்கவுள்ள நிலையில் வெஸ்ட் இண்டீஸ் அணியின் துணைக் கேப்டனாக நியமிக்கப்பட்டுள்ளார் கிறிஸ் கெய்ல்.

சர்வதேசக் கிரிக்கெட்டில் உள்ள ஒரு சிலக் கிரிக்கெட்ட்டர்களுக்கே சொந்த நாடுகளைத் தாண்டியும் அனைத்து நாட்டிலும் அனைத்து வயதிலும் ரசிகர்கள் இருப்பார்கள். அப்படி உலகம் முழுவதும் ரசிகர்களைக் கொண்டவர் வெஸ்ட் இண்டீஸ் அதிரடி ஜாம்ப்வான் கிறிஸ் கெய்ல். தற்போது 39 வயதாகும் கிறிஸ்கெய்ல் மே மாதம் நடக்கும் உலக கோப்பைக்கு பிறகு ஓய்வு பெறப்போவதாக அறிவித்துள்ளார்.

இந்நிலையில் உலகக்கோப்பைக்கு செல்லும் வெஸ்ட் இண்டீஸ் அணிக்கு துணைக் கேப்டனாக கெய்ல் நியமிக்கப்பட்டுள்ளார். இதுகுறித்து கருத்து தெரிவித்த கெய்ல் ‘ ஒரு மூத்த வீரராக கேப்டனுக்கு ( ஹோல்டர் ) உதவ வேண்டியது எனது பொறுப்பு. எங்கள் மீது மிகுந்த எதிர்பார்ப்பு உள்ளது. அணி வெற்றிபெற முழு ஒத்துழைப்பையும் அளிப்போம்.’ எனக் கூறியுள்ளார்.