கடைசி ஓவரில் டெல்லி அணி த்ரில் வெற்றி! குஜராத்தை வீழ்த்தியது
ஐபிஎல் கிரிக்கெட் போட்டியின் இன்றைய போட்டியில் டெல்லி மற்றும் குஜராத் அணிகள் மோதின. கடைசி வரை விறுவிறுப்புடன் த்ரில்லிங்காக இருந்த இந்த போட்டியில் டெல்லி அணி இரண்டே இரண்டு பந்துகள் மீதமிருக்கும் நிலையில் த்ரில் வெற்றி பெற்றது.
டாஸ் வென்று முதலில் டெல்லி அணி பந்துவீச முடிவு செய்ததால், குஜராத் அணி பேட்டிங்கில் களமிறங்கியது. ஃபின்ச் 69 ரன்கள், தினேஷ் கார்த்திக் 40 ரன்கள், எடுத்ததால் குஜராத் அணி 20 ஓவர்களில் 5 விக்கெட்டுக்களை இழந்து 195 ரன்கள் எடுத்தது.
196 ரன்கள் என்ற கடின இலக்கை விரட்டிய டெல்லி அணி, எஸ்.எஸ். ஐயரின் அபாரமான ஆட்டத்தின் காரணமாக 19.4 ஓவரில் 8 விக்கெட்டுக்களை இழந்து 197 ரன்கள் எடுத்து வெற்றி பெற்றது. எஸ்.எஸ்.ஐயர் 96 ரன்கள் எடுத்து ஆட்டநாயகன் விருதினை வென்றார். இந்த போட்டியில் வெற்றி பெற்றபோதிலும் டெல்லி அணி அடுத்த சுற்றுக்கு தகுதி பெற வாய்ப்பு இல்லை என்பது குறிப்பிடத்தக்கது.
