நல்ல நூல்களை வெளியிட வீட்டை அடகு வைத்தேன்

Webdunia|
சிற்றிதழ் : புத்தகம் பேசுது (மாத இதழ்)
ஆசிரியர் : க. நாகராஜன
பொறுப்பாசிரியர் : சூரியசந்திரன
முகவரி :
21, குயவர் வீதி
ஜோன்ஸ் சாலை,
சைதாப்பேட்ட
(50-க்கும் மேற்பட்ட முக்கிய நகரங்களில் கிளைகள் உள்ள பாரதி புத்தகாலயத்தின் உறுப்பினர்களுக்கான இலவச வெளியீடாக வருகிறது "புத்தகம் பேசுகிறது" என்ற மாத இதழ். முற்போக்கு, இடதுசாரி பின்னணி கொண்ட இம்மாத இதழில் புத்தக விமர்சனம், நேர் காணல், நூல் அறிமுகம், இலக்கிய நிகழ்வுகள் குறித்த பதிவுகள் ஆகியவை இடம் பெற்றுள்ளன.
செப்டம்பர் 2003 இதழிலிருந்து திருமதி லட்சுமி கிருஷ்ணமூர்த்தியின் நேர்காணலை வெப் வாசகர்களுடன் பகிர்ந்து கொள்கிறோம்.)

லட்சுமி கிருஷ்ணமூர்த்தி "வாசகர் வட்டம்" என்ற பெயரில் பல நூல்களை வெளியிட்டிருக்கிறார். இவர் தமிழின் முதல் பெண் பதிப்பாளர் என்ற பெருமைக்குரியவராவார்.
நல்ல நூல்களை வெளியிட வீட்டை அடகு வைத்தேன

திருமதி. லட்சுமி கிருஷ்ணமூர்த்தி அவர்கள் தமிழின் முதல் பெண் பதிப்பாளர். தமிழ்ப் புத்தகங்களை அழகாகவும் நேர்த்தியாகவும் வெளியிடுவதற்காக "வாசகர் வட்டம்" உருவாக்கி, சிறந்த தமிழ் நூல்களைப் பதிப்பித்தவர். சில முக்கியப் படைப்பாளிகளை தமிழுலகுக்கு அறிமுகப்படுத்தியவர். புத்தங்களுக்கென்றே "செய்தி மடல்" நடத்தியவர். மூத்த எழுத்தாளர்களோடும் தலைவர்களோடும் நெருங்கிப் பழகியவர். சுதந்திர போராட்ட வீரரும், காங்கிரஸ் தலைவருமான திருவாளர் சத்தியமூர்த்தியின் மகள்.
நல்ல நூல்களை வெளியிட வீட்டை அடகு வைத்தேன

இவருக்கு வயது எண்பது. இந்த வயதிலும் நிறைய படிக்கிறார். "புத்தகம் பேசுது" முதல் இதழ் கிடைத்தவுடனே முழுவதும் படித்து முடித்திருக்கிறார். ரொம்ப சந்தோசம் அவருக்கு. "நாங்க முயற்சி பண்ணினோம். எங்களாலே தொடர்ந்து நடத்த முடியலே. அப்போ நிலைமை அப்படி இப்போ உங்களால நடத்தமுடியும்" என்று உற்சாகப்படுத்துகிறார். தனது கணவரிடம் "புத்தகம் பேசுது" பத்திரிகையிலேருந்து பேட்டிக்காக வந்திருக்கிறார்" என்று அறிமுகம் செய்து வைக்கிறார். அந்த முதிர்ந்த மனிதர் வாழ்த்து சொல்கிறார். அந்த சமயம் தன்னை சந்திக்க துணைவியாருடன் வந்த ஒருவரிடம், "புத்தகம் பேசுது" ஒரு பிரதியைக் கொடுத்து, "அப்பாவிடம் கொடு; ரொம்ப சந்தோசப்படுவார்" என்று கூறி, என்னையும் அறிமுகப்படுத்துகிறார். அவரை அனுப்பிவிட்டு, "இவர் சிட்டியின் மகன். சிட்டிக்குத்தான் கொடுத்து அனுப்பினேன். சிட்டி ரொம்ப சந்தோசப்படுவார். எங்க சோதனை முயற்சி பட்டுப் போயிடலே, இப்போ துளிர்விடுது" என்கிறார் நெகிழ்ச்சியாக.
"சரி, வாசகர் வட்டம் பற்றி பேசலாமே" என்றேன்.

"கொஞ்சம் பொறுங்க" என்று ஒரு அறைக்குள் நுழைந்து இரண்டு கைகள் நிறைய புத்தகங்களை ஏந்திக் கொண்டு வருகிறார். "இதெல்லாம் வாசகர் வட்ட வெளியீடுகள்" என்கிறார் பெருமையோடு.

முப்பது வருடத்துக்கு முன்பு அச்சிடப்பட்ட நூல்களா? வியப்பாகத்தானிருக்கிறது. ஜாக்கெட்கூட வண்ணம் மங்காமல் பளிச்சென்று இருக்கின்றன. இக்காலத்து விஞ்ஞான தொழில்நுட்ப வசதி எதுவுமில்லாமல் அந்தக் காலத்திலேயே அற்புதமாகத் தமிழ் நூல்களை பதிப்பித்திருக்கிறார். இந்த நூல்கள் இப்போது வேறு பதிப்பகங்களில் எத்தனையோ பதிப்புகளை கண்டுவிட்டன. ஆனால், இந்த அழகும் நேர்த்தியும் அவற்றில் இல்லை.
"இதென்ன எல்லா புத்தகங்களிலும் ஒரே மாதிரியான அட்டைப் படம் போட்டிருக்கீங்க?"

"கலாசாகரம் ராஜகோபால் வரைந்து கொடுத்தார். ஒரு புத்தகத்துக்குத்தான் கேட்டேன். நல்லாயிருந்தது. எல்லாத்துக்கும் போட்டுட்டேன். வாசகர் வட்ட நூல்களெல்லாம் ஒரே மாதிரி இருக்கட்டுமே" சிரிக்கிறார்.
நல்ல நூல்களை வெளியிட வீட்டை அடகு வைத்தேன

"நீங்க வெளியிட்ட முதல் புத்தகம்?.."

ராஜாஜியின் "சோக்ரதர்" புத்தகத்தை எடுத்துக் காட்டுகிறார்.

"வெளியீட்டு விழாவுக்கு ராஜாஜி கலந்து கொண்டார்" என்றொரு கூடுதல் தகவலையும் கொடுத்துவிட்டு, சற்று மௌனமாகிறார்.
"நீங்க, வாசகர் வட்டத்தை ஆரம்பித்த சூழலை பேசலாமே.."

"சொல்றேன். ஆனா, அரை மணிநேரத்துக்கு மேலே என்னாலே தொடர்ச்சியா பேசமுடியாது" என்றொரு கண்டிஷனோடு தொடங்குகிறார்.

"அது 1960 காலகட்டம். அப்போ ஒவ்வொரு வெள்ளிக்கிழமையும் மாலை நேரத்திலே பெ.தூரன், பி.எஸ்.ராமையா, சி.சு.செல்லப்பா, தி.ஜானகிராமன், லா.ச.ரா., க.நா.சு., சிட்டி இப்படியான இலக்கியவாதிகள் மணிக்கொடி சீனிவாசன் வீட்டிலே சந்தித்துப் பேசுவார்கள். ஒருநாள் அந்தச் சந்திப்புக்கு என்னையும் சிட்டி கூட்டிக்கொண்டு போனார். அப்போது நான் கதையெல்லாம் எழுதிக் கொண்டிருந்தேன். சிட்டி, என்னை அவர்களுக்கு அறிமுகம் செய்து வைத்தார். இலக்கியவாதிகளுடன் எனக்கு நெருக்கம் அப்படித்தான் கிடைச்சது. தொடர்ந்து அந்தச் சந்திப்பில் கலந்து கொண்டேன். 1965இல் அந்த இலக்கியச் சந்திப்பு என் வீட்டிலேயே நடக்க ஆரம்பிச்சுது. அதோ அந்த அறையில்தான் - கூடிப் பேசுவோம் (நெகிழ்கிறார்). ஒரு இலக்கியச் சந்திப்பில், நல்லதரமான தயாரிப்பில் தங்களின் புத்தகங்களைக் கொண்டு வரணும் என்கிற ஆசை நம்ம எழுத்தாளர்களுக்கு வந்துடுச்சி. "அதற்கென்ன செஞ்சாப் போச்சு"ன்னு காரியத்தில் இறங்கினேன். அப்படி ஆரம்பிக்கப்பட்டதுதான் வாசகர் வட்டம்.
புத்தகம் போடுறதுக்காக வீட்டை அடகு வைத்தேன். காமராஜர் கூட வருத்தப்பட்டார். "வீட்டை அடகு வைச்சு புத்தகம் போடணுமா, வேறு ஏதாவது தொழில் செய்யக்கூடாதா"ன்னு கேட்டார். நல்ல புத்தகத்தை வெளியிடுறதிலேயும், அதை மத்தவங்களுக்கு படிக்கக் கொடுக்கிறதிலேயும் கிடைக்கிற சந்தோசம் வேறு எதிலே கிடைக்கும்னு கேட்டேன்."
"அப்போது, வேறு எந்த பதிப்பகமும் இப்படியான முயற்சியில் ஈடுபடலையா?"

நல்ல நூல்களை வெளியிட வீட்டை அடகு வைத்தேன்.


இதில் மேலும் படிக்கவும் :