வெள்ளி, 29 மார்ச் 2024
  1. செய்திகள்
  2. செய்திகள்
  3. த‌மிழக‌ம்
Written By Suresh
Last Updated : செவ்வாய், 6 அக்டோபர் 2015 (13:34 IST)

பாஜக கூட்டணியிலிருந்து வெளியேற பாமக தயார்: அன்புமணி ராமதாஸ்

இலங்கை தமிழர் பிரச்சினைக்கு தீர்வு கிடைக்கும் என்றால், பாஜக கூட்டணியை விட்டு வெளியேற பாமக தயாராக இருக்கிறது என்று பாமக இளைஞரணி தலைவர் அன்புமணி ராமதாஸ் கூறியுள்ளார்.
 
இது தொடர்பாக செய்தியாளர்கள் கேட்ட கேள்விகளுக்கு அன்புமணி அளித்த பதில்கள் வருமாறு:-
 
கேள்வி:- இலங்கை தமிழர் பிரச்சினைக்கு தனி ஈழம்தான் ஒரே தீர்வு என்று பாமக தலைவர் ஜி.கே.மணி கூறியுள்ளாரே?
 
பதில்:- இலங்கை தமிழர்களுக்கு என்ன வேண்டும் என்பதை அவர்களே முடிவு செய்ய வேண்டும்.
 
கேள்வி:- அனைத்து கட்சி கூட்டத்தை கூட்ட வேண்டும் என்று தமிழக சட்டமன்றம் கூடும் முன்பே நீங்கள் வலியுறுத்தினீர்கள். ஆனால் கூட்டப்படவில்லை. ஏன் நீங்களே அந்த கூட்டத்தை கூட்டினால் என்ன?
 
பதில்:- அனைத்து கட்சி கூட்டத்தை கூட்ட நான்தயார். ஆனால், அனைத்து கட்சிகளும் பங்கேற்க வேண்டுமே.
 
கேள்வி:- ஈழத்தமிழர் பிரச்சினையில் உண்மையாக குரல் கொடுப்பதாக இருந்தால், பாஜக கூட்டணியை விட்டு பாமக வெளியே வர வேண்டும் என்று தமிழ்நாடு காங்கிரஸ் தலைவர் ஈ.வி.கே.எஸ்.இளங்கோவன் கூறியுள்ளாரே?
 
பதில்:- இலங்கை தமிழர் பிரச்சினைக்கு தீர்வு கிடைக்கும் என்றால், பாஜக கூட்டணியை விட்டு வெளியேற பாமக தயாராக இருக்கிறது. இவ்வாறு அன்புமணி ராமதாஸ் கூறினார்.