வெள்ளி, 29 மார்ச் 2024
  1. செய்திகள்
  2. செய்திகள்
  3. த‌மிழக‌ம்
Written By லெனின் அகத்தியநாடன்
Last Modified: வெள்ளி, 9 செப்டம்பர் 2016 (05:07 IST)

வாஸ்து பார்த்து, ஹோமகுண்டம் வளர்த்து அலுவலகம் திறந்த தமிழக அமைச்சர்

தமிழக வனத்துறை அமைச்சர் திண்டுக்கல் சீனிவாசன் தனது சட்டமன்ற உறுப்பினர் அலுவலகத்தை வாஸ்து பார்த்து, ஹோமகுண்டம் வளர்த்து திறப்பு விழா நடத்தியுள்ளார்.
 

 
தமிழக அமைச்சரவையில் வனத்துறை அமைச்சராக இருப்பவர் திண்டுக்கல் தொகுதி சட்டமன்ற உறுப்பினர் சீனிவாசன். இவர், திண்டுக்கல் திருச்சி சாலையில் அமைந்துள்ள சட்டமன்ற அலுவலகம் வனத்துறை அமைச்சர் அலுவலகமாக வியாழனன்று திறக்கப்பட்டது.
 
இந்த அலுவலக திறப்பு விழாவிற்கு முன்னதாக ஹோமகுண்டம் வளர்க்கப்பட்டு புதுமனை புகுவிழா நடத்துவது போன்று நடத்தப்பட்டது.
 
இது தவிர காம்பவுண்ட் சுவரில் உள்ள கிழக்கு கேட் மூடப்பட்டு வடக்கு பக்கமாக வாஸ்து பார்த்து, கட்டிடம் புதுப்பிக்கப்பட்டு திறக்கப்பட்டது.
 
2016ஆம் அதிமுக தலைமையிலான அரசு ஆட்சி அமைத்து நூறு நாட்களுக்குப் பிறகுதான் சட்டமன்ற உறுப்பினர் அலுவலகம் திறக்கப்பட்டு உள்ளது என்பது குறிப்பிடத்தக்கது.