பிக் பாஸ் மோசடி - இந்த வீடியோவை பாருங்கள்...
நடிகர் கமல்ஹாசன் நடுவராக இருக்கும் பிக் பாஸ் நிகழ்ச்சி சமீபத்தில் விஜய் தொலைக்காட்சியில் தொடங்கப்பட்டது.
இதில் நடிகர், நடிகைகள் உட்பட 15 பேர் பங்கு பெற்றுள்ளனர். அவர்கள் அனைவரும் ஒரே வீட்டில் 100 நாட்கள் ஒன்றாக இருக்க வேண்டும் என்பதுதான் நிபந்தனை.
இதில் முக்கியமாக, அந்த வீட்டில் ஒரு அறை இருக்கிறது. பிக் பாஸ் யாரிடம் பேச விரும்புகிறாரோ அவர்களை ஒலிப்பெருக்கியில் அழைத்து அந்த அறையில் கட்டளைகள் இடுவார். அவர்களுக்கான ஒவ்வொரு செய்தியும் அந்த அறையில்தான் தெரிவிக்கப்படுகிறது.
இந்நிலையில் ஒரு வீடியோ வெளியாகியுள்ளது. அதில் நடிகை ஆர்த்தி பிக்பாஸ் அறைக்குள் செல்லும் போது ஒரு நபர் உள்ளிருந்தவாறு கதவை மூடுவதுபோல் அந்த வீடியோவில் பதிவாகியுள்ளது. உற்றுப்பார்த்தால் ஒருவரின் கை, அந்த கதவை திறந்து மூடுவது நன்றாக தெரிகிறது. இந்த வீடியோ வைரலாக பரவி வருகிறது.
இந்த வீடியோவை சிலர் வெளியிட்டு ‘பிக் (ப்ராடு) பாஸ்’ என கருத்து தெரிவித்துள்ளனர். ஆனால், அது ஆர்த்தியின் கைதான். எதிரே கண்ணாடி இருப்பதால் பிம்பம் அப்படி தெரிகிறது என சிலர் கருத்து தெரிவித்து வருகின்றனர்.
