ரயில்வே ஊழியர்களுக்கு 78 நாள் போனஸ்
இந்த வருடம் ரயில்வே ஊழியர்களுக்கு 78 நாள் போனஸ் வழங்க மத்திய அமைச்சரவை ஒப்புதல் அளித்துள்ளதாக தகவல் வெளியாகியுள்ளது. இந்த முடிவால் ரயில்வே துறையின் ஒவ்வொரு பணியாளருக்கும் ஊதியத்துடன் 8 ஆயிரத்து 897 ரூபாய் போனஸாக கிடைக்கும்.
2014 - 15 ஆம் ஆண்டு நிதியாண்டுக்கான ரயில்வே போனஸ், உற்பத்தியுடன் இணைந்த ஊக்கத் தொகை என்ற அடிப்படையில் வழங்கப்படுகிறது. முந்தைய மூன்று நிதியாண்டுகளை போலவே கடந்த நிதியாண்டுக்கு 78 நாள் போனஸ் வழங்கப்படுகிறது. இதன் மூலம் இந்தியாவில் உள்ள 12 லட்சம் ரயில்வே ஊழியர்கள் பலன் அடைவார்கள்
ரயில்வேத் துறையின் இந்த முடிவால் ரயில்வே துறையின் ஒவ்வொரு பணியாளருக்கும் ஊதியத்துடன் 8 ஆயிரத்து 897 ரூபாய் போனஸாக கிடைக்கும். இதன் மூலம் ரயில்வேக்கு 800 கோடி ரூபாய் கூடுதலாக செலவாகும் என்று மத்திய அமைச்சரவை தெரிவித்துள்ளது.