இன்று நள்ளிரவு முதல் பெட்ரோல், டீசல் விலை குறைப்பு
சர்வதேச சந்தையில் கச்சா எண்ணெய் விலை ஏற்ற இறக்கத்திற்கு ஏற்ப இந்தியாவில் மாதமிருமுறை அதாவது பிரதி மாதம் 1ஆம் தேதி மற்றும் 15ஆம் தேதி பெட்ரோல், டீசல் விலையில் மாற்றம் இருந்து வரும் நிலையில் நாளை முதல் பெட்ரோல், டீசல் விலை குறைக்கப்பட்டுள்ளது.
இதன்படி பெட்ரோல் விலை லிட்டருக்கு 3.77 ரூபாயும் , டீசல் விலை லீட்டருக்கு 2.91 ரூபாயும் குறைகிறது. இப்புதிய விலை குறைப்பு இன்று நள்ளிரவு முதல் அமலுக்கு வருவதாகவும் தெரிவிக்கப்பட்டுள்ளது.
ஆனாலும் சர்வதேச சந்தையில் கச்சா எண்ணெயின் விலை குறைப்புக்கு ஏற்ப பெட்ரோல் ,டீசல் விலை குறைக்கப்படவில்லை என பொதுமக்கள் தங்கள் அதிருப்தியை தெரிவித்துள்ளனர்.
