தமிழ்நாட்டில் ஒரு தேசிய நீர்வழித்தடம்: மத்திய அமைச்சரவை ஒப்புதல்
தமிழ்நாட்டில் ஒரு நீர்வழித்தடம் உள்ளிட்ட, நாடு முழுவதும் 106 நீர்வழித்தடங்களை தேசிய நீர்வழித்தடங்களாக அறிவிக்க மத்திய அமைச்சரவை ஒப்புதல் வழங்கியுள்ளது.
நாடு முழுவதும் தற்போது 5 தேசிய நீர்வழித்தடங்கள் உள்ளன. இந்நிலையில், தமிழ்நாட்டில் 1 நீர்வழித்தடம், கேரளாவில் 3 நீர்வழித்தடம், கர்நாடகாவில் 5 நீர்வழித்தடம் உள்ளிட்ட 106 நீர்வழித்தடங்கள், தேசிய நீர்வழித்தடங்களாக அறிவிக்கப்பட உள்ளன.
இதற்காக தேசிய நீர்வழித்தட மசோதாவில் திருத்தங்கள் செய்வதற்கு மத்திய அமைச்சரவை ஒப்புதல் வழங்கியுள்ளது.
இதன்மூலம், தேசிய நீர்வழித்தடங்களின் எண்ணிக்கை 111 ஆக உயரும் என்பது குறிப்பிடத்தக்கது.
