29 பொருட்களுக்கு வரி விலக்கு; 49 பொருட்களுக்கு வரி குறைப்பு
டெல்லியில் இன்று நடைபெற்ற ஜிஎஸ்டி கவுன்சில் கூட்டத்தில் 29 கைவினை பொருட்களுக்கு வரி விலக்கு மற்றும் 49 பொருட்களுக்கு வரி குறைப்பு ஒப்புதல் அளிக்கப்பட்டுள்ளது.
டெல்லியில் இன்று மத்திய நிதி அமைச்சர் அருண் ஜெட்லி தலைமையில் ஜிஎஸ்டி கவுன்சில் கூட்டம் நடைபெற்றது. இதில் அனைத்து மாநில நிதி அமைச்சர்களும் கலந்துக்கொண்டனர். 29 வகையான கைவினை பொருட்களுக்கு விலக்கு அளிக்க கவுன்சில் ஒப்புதல் அளித்துள்ளது.
தமிழக நிதி அமைச்சர் ஜெயக்குமார் கோரிக்கை ஏற்று பொழுது போக்கு பூங்கா டிக்கெட் கட்டணத்திற்கு விதிக்கப்படும் 28% வரியில் இருந்து 18%-ஆக குறைக்கப்பட்டுள்ளது. 49 பொருட்களுக்கு வரி குறைப்பு செய்யப்பட்டுள்ளது என்றும் இந்த வரி குறைப்பு வரும் 25ஆம் தேதி முதல் அமலுக்கு வரும் என்று தெரிவிக்கப்பட்டுள்ளது.
