38 லட்சத்தை தாண்டிய கொரோனா பாதிப்புகள்; இந்திய நிலவரம்!
இந்தியாவில் கொரோனா ஊரடங்கில் தளர்வுகள் அளிக்கப்பட்டுள்ள நிலையில் பாதிப்பு எண்ணிக்கை 38 லட்சத்தை தாண்டியுள்ளது அதிர்ச்சியை ஏற்படுத்தியுள்ளது.
இந்தியாவில் கொரோனா பாதிப்புகள் நாளுக்கு நாள் அதிகரித்து வரும் நிலையில் கடந்த 24 மணி நேரத்தில் 83,883 புதிய பாதிப்புகள் பதிவாகியுள்ளன. உலக நாடுகளில் ஒரே நாளில் அதிகமான உறுதியான பாதிப்பு எண்ணிக்கைகளை விட இது அதிகமாகும். இந்நிலையில் கொரோனா பாதிப்பு மொத்த எண்ணிக்கை 38,53,406 ஆக உயர்ந்துள்ளது.
கடந்த 24 மணி நேரத்தில் 1043 பேர் உயிரிழந்துள்ள நிலையில் மொத்தமாக உயிரிழந்தவர்கள் எண்ணிக்கை 67,376 ஆக உயர்ந்துள்ளது. அதேசமயம் குணமடைந்தவர்கள் எண்ணிக்கை 29,70,492 ஆக உயர்ந்துள்ளது. 8,15,538 பேர் மருத்துவமனைகளில் சிகிச்சை பெற்று வருகின்றனர்.
