Widgets Magazine

வாரணாசி தொகுதியில் மோடியை எதிர்த்து கெஜ்ரிவால் போட்டி

FILE

பாரதீய ஜனதா கட்சியின் பிரதமர் வேட்பாளரான நரேந்திர மோடி, நாடாளுமன்ற தேர்தலில் குஜராத் அல்லாத வேறு மாநில தொகுதி ஒன்றில் போட்டியிட முடிவு செய்திருந்தார்.

அதன்படி, நாட்டின் மிகப்பெரிய மாநிலமான 80 தொகுதிகளை கொண்ட உத்தர பிரதேச மாநிலம் வாரணாசி தொகுதி பா.ஜ.க. வேட்பாளராக நரேந்திர மோடி அறிவிக்கப்பட்டார். நேற்று முன்தினம் நள்ளிரவில் இதற்கான அதிகாரபூர்வ அறிவிப்பு வெளியானது.

இந்த நிலையில், ஊழலுக்கு எதிராக போராடிவரும் அரவிந்த் கெஜ்ரிவால் தொடங்கிய புதிய கட்சியான ஆம் ஆத்மி, சமீபத்தில் டெல்லியில் நடைபெற்ற சட்டசபை தேர்தலில் எதிர்பாராத வெற்றி பெற்று ஆட்சியை கைப்பற்றியது. டெல்லி மாநில முதலமைச்சராக பதவி ஏற்ற அரவிந்த் கெஜ்ரிவால், ஊழலுக்கு எதிரான வலுவான லோக்பால் சட்ட மசோதாவை நிறைவேற்ற முடியாததால் ஆட்சி பொறுப்பில் இருந்து விலகினார்.

ஆளும் காங்கிரஸ் மற்றும் பிரதான எதிர்க்கட்சியான பா.ஜ.க. ஆகிய இரு கட்சிகள் மீதும் கடும் தாக்குதல் தொடுத்துவரும் ஆம் ஆத்மி கட்சி தலைவர் கெஜ்ரிவால், நாடாளுமன்ற தேர்தலில் நரேந்திர மோடி குஜராத்துக்கு வெளியே எங்கு போட்டியிட்டாலும் அவரை எதிர்த்து போட்டியிடுவார் என்று அந்த கட்சி சார்பில் அறிவிக்கப்பட்டிருந்தது.

Webdunia|
நாடாளுமன்ற தேர்தலில், உத்தரபிரதேச மாநிலம் வாரணாசி தொகுதியில் பா.ஜ.க. பிரதமர் வேட்பாளர் நரேந்திர மோடியை எதிர்த்து ஆம் ஆத்மி கட்சி தலைவர் அரவிந்த் கெஜ்ரிவால் போட்டியிட முடிவு செய்திருக்கிறார்.
வாரணாசி தொகுதியில் நரேந்திர மோடி போட்டியிடுவார் என்ற அறிவிப்பு வெளியானதும், அவரை எதிர்த்து கெஜ்ரிவால் போட்டியிடுவார் என்று ஆம் ஆத்மி கட்சியின் பொதுச்செயலாளரும், செய்தி தொடர்பாளருமான சஞ்சய்சிங் சூசகமாக தெரிவித்தார். இந்த முடிவு குறித்து பெங்களூரில் ஞாயிற்றுக்கிழமை (நேற்று) நடைபெறும் பேரணியில் கெஜ்ரிவால் அறிவிப்பார் என்றும், அவர் கூறியிருந்தார்.


இதில் மேலும் படிக்கவும் :