யுஎஸ் பாக்ஸ் ஆபிஸ்
யுஎஸ் பாக்ஸ் ஆபிஸில் இடம் பெற்ற ஐந்து ஹாலிவுட் படங்கள்.
5. Mechanic: Resurrection:
மெக்கானிக் படத்தின் இரண்டாம் பாகமான இது மிகப்பெரிய பின்னடைவை சந்தித்துள்ளது. சென்ற வாரம் வெளியான இப்படம் யுஎஸ்ஸில் முதல் 3 தினங்களில் 7.5 மில்லியன் டாலர்களை மட்டுமே வசூலித்துள்ளது.
4. Sausage Party:
அனிமேஷன் படமான இது சென்ற வார இறுதியில் 7.7 மில்லியன் டாலர்களை வசூலித்துள்ளது. இதுவரை இதன் யுஎஸ் வசூல், 80 மில்லியன் டாலர்கள்.
3. Kubo and the Two Strings:
இதுவும் அனிமேஷன் படம்தான். கொஞ்சம் ஆக்ஷனும் கலந்தது. சென்ற வார இறுதியில் 7.9 மில்லியன் டாலர்களை வசூலித்த படம் முதல் 10 தினங்களில் 24.9 மில்லியன் டாலர்களை தனதாக்கியுள்ளது.
2. Suicide Squad:
வில் ஸ்மித் நடித்துள்ள இந்தப் படம் உலகம் முழுவதும் நல்ல வசூலை பெற்றுள்ளது. சென்ற வார இறுதியில் 12.10 மில்லியன் டாலர்களை வசூலித்த படம் இதுவரை யுஎஸ்ஸில் மட்டும் 282.9 மில்லியன் டாலர்களை வசப்படுத்தியுள்ளது.
1. Don't Breathe:
ஹாரர் படமான இது சென்ற வாரம் வெளியானது. முதல் மூன்று நாளில் 26.10 மில்லியன் டாலர்களை தனதாக்கி முதலிடத்தைப் பிடித்துள்ளது.