தோழிகளின் மேஜிக் உலகம்

Webdunia| Last Modified வியாழன், 23 ஜனவரி 2014 (15:35 IST)
மூணாவது படிக்கும் பார்கவி செம சுட்டி. அதுவும் அவளோட தோழி தாணுவோட சேர்ந்துட்டா அவ்ளோதான். பயங்கரமா அமர்க்களம் பண்ணுவாங்க. புதுசு, புதுசா யோசிப்பாங்க. அவங்க தெருவுல இருக்கற மஞ்சுளா வேற ஸ்கூல்ல படிக்கறா. அவ மேஜிக்னு சொல்லி விரல்ல ஏதோ பண்ணுவா. அதனால ரெண்டு பேருக்கும் மேஜிக் கத்துக்கணும்னு ஆசை.

அவங்க பள்ளியில ஒரு வயசான மேஜிக் மேன் வந்தார். எல்லோருக்கும் மேஜிக் காட்டவான்னு டீச்சர்கிட்ட கேட்டார். அவங்களும் அனுமதி தந்துட்டாங்க. எல்லோருடைய முன்னாலயும் மேஜிக் பண்ணார். அவரோட ஷோவுல முயல், கர்ச்சீப் எல்லாம் வந்துச்சு. நெருக்கும் கெளம்பிச்சு. இதை பார்த்த பார்கவிக்கும், தாணுவுக்கும் ஒரே சந்தோஷம். இந்த தாத்தாகிட்ட கொஞ்சம் மேஜிக் கத்துக்கணும்னு நெனைச்சாங்க. இதெல்லாம் கத்துக்கிட்டு, மஞ்சுளாகிட்ட செஞ்சு காமிச்சா எப்படி இருக்கும்னு யோசிச்சாங்க. இந்த தாத்தாவோட மேஜிக்குக்கு விரல் மேஜிக்கெல்லாம் ஜுஜுபின்னு நெனைச்சாங்க.
ஷோ முடிஞ்சவுடனே மத்தவங்க கெளம்பி போயிட்டாங்க. ஆனா பார்கவியும், தாணுவும் அங்கேயே இருந்தாங்க. அவங்களுக்கும் இப்படி மேஜிக் பண்ணனும்னு ஆசை வநதுச்சு. மேஜிக் மேனும் அவங்க நிக்கறத கவனிச்சார். மூணு பேரும் மட்டும் தான் அந்த ஹால்ல இருந்தாங்க.


இதில் மேலும் படிக்கவும் :