வியாழன், 28 மார்ச் 2024
  1. பொழுதுபோக்கு
  2. சினிமா
  3. இ‌ந்‌திய ‌சி‌னிமா
Written By Sasikala
Last Updated : செவ்வாய், 14 மார்ச் 2017 (15:15 IST)

‘அக்‌ஷய் குமாருடன் நடிப்பது உறுதி’ - சல்மான் கான்

அக்‌ஷய் குமாருடன் இணைந்து தான் நடிப்பது உறுதி என பாலிவுட்டின் முன்னணி நடிகர்களுள் ஒருவரான சல்மான் கான்  தெரிவித்து உள்ளார். 

 
பாலிவுட்டின் முன்னணி நடிகர்களாகத் திகழ்பவர்கள் சல்மான் கான் மற்றும் அக்‌ஷய் குமார். இவர்கள் இருவரும் இணைந்து நடிப்பதாக இந்த வருட தொடக்கத்தில் அறிவித்தார் சல்மான் கான். கரண் ஜோஹர் தயாரிக்கும் இந்தப் படத்தை, அக்‌ஷய் குமாரும் இணைந்து தயாரிக்கிறார். அனுராக் சிங் இயக்குகிறார். 
 
இந்த நிலையில், இந்தப் படத்தில் இருந்து அக்‌ஷய் குமார் வெளியேறிவிட்டதாக தகவல்கள் வெளியாகின. அதை மறுத்துள்ள  சல்மான் கான், ‘வதந்திகளை ஃபாலோ செய்யாதீர்கள். என்னை ஃபாலோ செய்யுங்கள். நாங்கள் இருவரும் இணைந்து நடிப்பது உறுதி’ என ட்விட்டரில் தெரிவித்துள்ளார்.