வெள்ளி, 29 மார்ச் 2024
  1. பொழுதுபோக்கு
  2. சினிமா
  3. இ‌ந்‌திய ‌சி‌னிமா
Written By Mahalakshmi
Last Modified: செவ்வாய், 19 மே 2015 (16:09 IST)

சினிமா வர்த்தகத்தின் அடுத்தக்கட்டம் - ஈரோஸுடன் இணையும் சைனா தயாரிப்பு நிறுவனம்

உலக சினிமா வர்த்தகத்தில் சைனாவும், இந்தியாவும் முக்கிய இடம் வகிக்கின்றன. சைனாவிலிருந்து கிடைக்கும் வசூலுடன் ஒப்பிடுகையில் இந்தியா ஒன்றுமேயில்லை என்றாலும், இந்தியா சினிமா வர்த்தகத்தில் தவிர்க்க முடியாத நாடாகி வருகிறது.
 
பாலிவுட் படங்களின் இரண்டாவது பெரும் சந்தையாக சைனா உள்ளது. அமீர்கானின் 3 இடியட்ஸ் சைனாவில் மிகுந்த வரவேற்புடன் ஓடிய படம். பிகே விரைவில் வெளியாக உள்ளது.
 
இந்நிலையில் இந்திய தயாரிப்பு நிறுவனமான ஈரோஸ் இன்டர்நேஷனல்ஸ் சைனீஸ் ஃபிலிம் கார்ப்பரேஷனுடன் இணைந்து ஒரு படத்தை தயாரிக்கிறது. 7 -ஆம் நூற்றாண்டில் வாழ்ந்த சீன புத்த பிட்சு இந்தியாவில் மேற்கொண்ட நீண்ட பயணத்தை மையமாக வைத்து இப்படம் தயாராகிறது.
 
இந்த இந்தியா - சீனா கூட்டுத் தயாரிப்பு இந்திய சினிமா வர்த்தகத்தின் இன்னொரு வாசலை திறந்துவிட்டிருக்கிறது.